Saturday, December 27, 2014

നിന്നെ ഓര്‍ക്കുകയെന്നാല്‍ ,,,,,

നിന്നെ
ഓര്‍ക്കുകയെന്നാല്‍
വായിച്ചു തീരാത്ത 
പുസ്തകത്തെ വീണ്ടും
വായിച്ചു നോക്കുകയെന്നാണ്

എഴുതി തീരാത്ത 
കവിതയെ വീണ്ടും
എഴുതി തുടങ്ങുകയെന്നാണ്

കണ്ണിണകളിലൊളിപ്പിച്ച 
കണ്ണീര്‍കണങ്ങളെ
ഉമ്മ വച്ചുണര്‍ത്തുകയെന്നാണ്

കാറ്റലകളുടെ
ദൂരം പകലിനറുതിയാല്‍ 
അളന്നെടുക്കുകയെന്നാണ്

ഉളം കൈയ്യിലൊതുക്കിയ 
കണക്കു പുസ്തകം
വര്‍ഷമേഘത്തിനു 
കടം നല്‍കുകയെന്നാണ്

No comments:

Post a Comment

തണൽമരംപോലെ..........

പാതയോരത്തെ തണൽമരംപോലെ ചുറ്റുമെല്ലാവരുമുണ്ടെങ്കിലും ഒറ്റയ്ക്കായി പോകുന്ന ചിലരുണ്ട്..... ചില നേരങ്ങളുണ്ട്... ഒരു വൻതിര ബാക...