Thursday, January 26, 2023

മരണം കുറുകിയ നേരത്ത്....

മരണം കുറുകിയ നേരത്ത് 

തണുപ്പിന്‍റെ പുതപ്പു മൂടി 

 അപരിചിതങ്ങളിലേക്ക് 

അവള്‍ മടങ്ങുകയായി ..


പരിചിത വഴികളെല്ലാം

നഷ്ടപ്പെടും മുമ്പ്

ഒരിക്കല്‍ കൂടി

മറയുന്ന തെളിയുന്ന

ഓര്‍മ്മകളുടെ

വാതില്‍പ്പടിയില്‍

അവള്‍ അല്‍പനേരം

കാത്തു നിന്നിട്ടുണ്ടാവും..


അരുമകൈകളാല്‍

അനാഥത്വത്തിന്‍റെ

ഇരുണ്ട കൂരയിലേക്ക്

നട തള്ളിയ ദിനത്തിന്‍റെ

ദൈന്യതയില്‍ ഒരു വേള

നൊമ്പരങ്ങളുടെ

പെരുക്കങ്ങളില്‍പ്പെട്ടവര്‍

തേങ്ങിക്കരഞ്ഞി ട്ടുണ്ടാവും

ജീര്‍ണ്ണിച്ചു പോയ

ബന്ധങ്ങള്‍ പോലും

പട്ടിന്‍റെയും പൂക്കളുടെയും

കിട്ടാക്കടങ്ങളുമായി

ചുറ്റും എത്തിയപ്പോള്‍

സനാഥത്വത്തിന്‍റെ ഉള്‍ച്ചൂടില്‍

തീ നിറമാര്‍ന്ന്‍

ഉയര്‍ന്നുയര്‍ന്ന്

ഒരു ശലഭമായ്

അപരിചിതവഴികളിലേക്ക്

അവള്‍ പറന്നു പോകയായി .

Sunday, January 22, 2023

മറവികള്‍ മുരളുമ്പോള്‍

ഓര്‍മ്മയാം താളത്തില്‍ 

മറവികള്‍ മുരളുമ്പോള്‍

തെളിയുന്നു നിന്‍ മുഖം 

വെണ്‍തിങ്കള്‍ പോലെ ..


കേള്‍ക്കുന്നു പഴയൊരു 

വാക്കിന്‍ ഇമ്പം..

 

കാണുന്നരികിലൊരു 

നോക്കിന്‍ മേളം ...


വേഗത്തിലോടും

ഋതുവിന്‍ ചാരെയൊരു 

ഇലതന്‍ നൊമ്പരം..

 

തായ്ത്തടിയറിയാതെ

വേരുകള്‍ പുണര്‍ന്നൊരു

കഥയൊന്നും പാടീല്ല

കാറ്റിന്‍ ഗീതങ്ങള്‍.. 


വെയിലുകളറിയാതെ 

മാരിയോടിണ ചേര്‍ന്ന

കഥയൊന്നും പറഞ്ഞി ല്ല 

തളിര്‍ച്ചില്ലകള്‍..


നിലാവെട്ടം നിവരുമ്പോള്‍ 

രാപ്പക്ഷി പാടുമ്പോള്‍, 

ചിരി തൂകി നില്‍ക്കുമൊരു 

 ഉഡുകന്യയായിടാനൊരു

ചിന്തതന്‍  തോണിയേറി

ഞാനേകയായി പോകവേ..

 

ഓര്‍മ്മ തന്‍ താളത്തില്‍ 

മറവികള്‍ മുരളുമ്പോള്‍ 

തെളിയുന്നു നിന്‍ മുഖം 

ഒരു വെണ്‍തിങ്കള്‍ പോലെ.... 

 







  


Saturday, January 21, 2023

ഇനിയീ പാതയില്‍ .....

ഭാണ്ഡങ്ങളോരോന്നഴിച്ചു നോക്കി 
കര്‍മ്മകാണ്ഡം മറികടക്കാന്‍ 
ഒരു പഴുതു നോക്കി...

ഇല്ലില്ലൊരു ചെറുപാതപോലും
വരഞ്ഞില്ല ഭാവാനിന്നു വരെ 

വേണ്ട, നീയിപ്പോഴെടുത്ത്
ചാടിടേണ്ടയെന്നാരോ
മനതാരില്‍ മൊഴിയവേ
 
നോവിന്‍  പെരുക്കങ്ങളില്‍  
തലചായ്ച്ചു ക്ഷീണമകറ്റിടാം

കണ്ണീരാവോളം മോന്തിയെന്നും  
കനല്‍ക്കാടിന്‍ ദാഹമകറ്റിടാം

പുഞ്ചിരിയാലൊരു ദീപവുമേന്തി
കര്‍മ്മങ്ങളെല്ലാം ചെയ്തുതീര്‍ത്തിടാം

ശരികളിലെ ശരി തേടുമ്പോള്‍ ...

  ഒരിക്കലും അകലരുത് എന്നു  കരുതി നാം ചങ്ക് പറിച്ചു കൊടുത്ത്  എത്ര  ചേര്‍ത്തു പിടിച്ചാലും അവന്‍ / അവള്‍  നിസ്സാരകാരണങ്ങള്‍ കണ്ടെത്തി നമ്മില്‍...