ഓര്‍മ്മയാം താളത്തില്‍
മറവികള്‍ മുരളുമ്പോള്‍
തെളിയുന്നു നിന്‍ മുഖം
വെണ്‍തിങ്കള്‍ പോലെ ..
കേള്‍ക്കുന്നു പഴയൊരു
വാക്കിന്‍ ഇമ്പം..
കാണുന്നരികിലൊരു
നോക്കിന്‍ മേളം ...
വേഗത്തിലോടും
ഋതുവിന്‍ ചാരെയൊരു
ഇലതന്‍ നൊമ്പരം..
തായ്ത്തടിയറിയാതെ
വേരുകള്‍ പുണര്‍ന്നൊരു
കഥയൊന്നും പാടീല്ല
കാറ്റിന്‍ ഗീതങ്ങള്‍..
വെയിലുകളറിയാതെ
മാരിയോടിണ ചേര്‍ന്ന
കഥയൊന്നും പറഞ്ഞി ല്ല
തളിര്‍ച്ചില്ലകള്‍..
നിലാവെട്ടം നിവരുമ്പോള്‍
രാപ്പക്ഷി പാടുമ്പോള്‍,
ചിരി തൂകി നില്‍ക്കുമൊരു
ഉഡുകന്യയായിടാനൊരു
ചിന്തതന്‍ തോണിയേറി
ഞാനേകയായി പോകവേ..
ഓര്‍മ്മ തന്‍ താളത്തില്‍
മറവികള്‍ മുരളുമ്പോള്‍
തെളിയുന്നു നിന്‍ മുഖം
ഒരു വെണ്‍തിങ്കള്‍ പോലെ....
No comments:
Post a Comment