Friday, September 10, 2010

പുഴയും ഞാനും.....




വെറുതെ ചിരിച്ചും 
പാടിയും നിലവിളിച്ചും
കാലത്തിന്‍ കൈവഴികളില്‍
ഏതോ തേടി തേടാതെയും 
എന്തോ നേടി നേടാതെയും
ഒഴുകുമീ പുഴയും ഞാനും
ഒരുപോലെ..

 തലോടി പായുമീ സൌഹൃദ 
കാറ്റില്‍  മന്ദഹാസത്തില്‍
കുഞ്ഞോളങ്ങള്‍ തീര്‍ത്തും
  തീരത്തു ചരിത്രം കോറിയിട്ടും

വിധി തന്‍ പാറക്കെട്ടില്‍ തട്ടി
തടഞ്ഞാലുമതുമൊരു ജയത്തിന്‍
ചവിട്ടു പടിയായ് കണ്ടും

 കൂര്‍ത്ത പരുക്കന്‍ വാക്കാല്‍
ദുഃഖ പെരുമഴ തന്‍ 
കുത്തൊഴുക്കിലകപ്പെട്ടാലും

മന്ദഹാസം പൊഴിച്ചും
സ്നേഹമര്‍മ്മരം ചൊരിഞ്ഞും
കളകളം പാടിയും...

ഒരു കുളിരായ് പിടച്ചിലായ്
ഒഴുകിയൊഴുകിയെന്നാലും
ഞാനുമീ  പുഴ പോല്‍
ഒടുവില്‍
ചെന്നെത്തുന്നതോ
സങ്കടപ്പെരുംകടലില്‍....



3 comments:

  1. സാന്ത്വന കുഞ്ഞോളങ്ങളിൽ
    കളകളം പാടിയും
    മർമ്മരമുതിർത്തും......
    saanthwanam uNtenkilum pinne sankada perumkatalil eththano..?

    ReplyDelete
  2. പുഴ പോൽ ഒഴുകുന്നു ഞാനും
    കാലത്തിൻ കൈവഴികളിൽ...

    ReplyDelete
  3. ഒരു കുളിരായ് പിടച്ചിലായ്
    ഒഴുകിയൊഴുകിയെന്നാലും
    ഞാനുമീ പുഴ പോല്‍
    ഒടുവില്‍
    ചെന്നെത്തുന്നതോ
    സങ്കടപ്പെരുംകടലില്‍ ...

    ഈ വരികള്‍ എനിക്കൊരു പാറ്റിഷ്ടപ്പെട്ടു.
    ഈ കുട്ടിക്കവിതയും.എന്നും സങ്കടങ്ങളല്ലേ പറയൂ.
    നന്നായിട്ടുണ്ട് ടീച്ചറേച്ചീ. അഭിനന്ദനങ്ങള്‍

    ReplyDelete

ജാലകങ്ങള്‍....

എന്നിലേക്കെത്തുന്ന എല്ലാ ജാലകങ്ങളും നിനക്കിനി അടയ്ക്കുകയോ തുറന്നിടുകയോ ചെയ്യാം. എങ്കിലും, ഒരിറ്റു കാഴ്ചയുടെ ഉറവയിലേക്ക് നീ മാറ...