Thursday, July 11, 2013

നിന്റെ പേരു മാത്രം....

കിനാപുഴ
ഒഴുക്കു
നിലച്ചിരിക്കുന്നു...


കറുത്ത
ചുരുൾമുടി
അഴിച്ചിട്ടവൾ
മൂവന്തിനേരം
വീണ്ടും
ഓടിയെത്തുമോ..


നിലാക്കീറിന്റെ
നേരിയ ഇഴകൽ
കോര്ത്തിണക്കി
ഇനിയും
ഹാരമണിക്കുമോ...


ഇമകളിൽ
നിറയുന്ന
കാഴ്ചയിൾ
എവിടെയോ
അകലുന്നു
കിനാവിന്റെ
കടത്തുതോണി...


എങ്കിലും ,

കാണാതീരത്ത്
മുഴച്ചു നില്ക്കുന്ന
മൗനത്തിന്റെ
നിഴൽവീണ
വെള്ളാരംക്കല്ലുകളിൽ
കൊത്തി വയ്ക്കാം
ഇനിയും...


വിരഹത്തിന്റെ
ഓളങ്ങൾക്ക്
മായ്ക്കാനാവാത്ത
പാകത്തിൽ
നിന്റെ പേരു മാത്രം....


4 comments:

  1. കവിത തുളുമ്പുന്നതറിയുന്നു.....
    അക്ഷരങ്ങള്‍ക്ക് ആവശ്യത്തിലധികം വലുപ്പം തോന്നിയത് എന്റെ സിസ്റ്റത്തിന്റെ കുഴപ്പമാണോ എന്നറിയില്ല......

    ReplyDelete
  2. ഒരു പേരു മാത്രം...

    ReplyDelete
  3. വിരഹത്തിനും മായ്ക്കാനവാത്ത പേര്.

    നല്ല കവിത.


    ശുഭാശംസകൾ....

    ReplyDelete
  4. ആരുടെ പേര്...

    ReplyDelete