Tuesday, December 25, 2012

ഹേ!! ഡിസംബര്‍ !! അറിയുന്നുവോ നീ..

വേനലിന്റെ
കണ്ണീര്‍ ചുമന്ന്
പുലരി മഞ്ഞിലും
ധൂമങ്ങളെ പായിച്ച്
ഇലച്ചാര്‍ത്തുകളോട്
കിന്നരിച്ചു പായുന്ന
കുസൃതിക്കാറ്റിലും

ഹേ !! ഡിസംബര്‍
നിന്നെ ഞാന്‍ അറിയുന്നു...


പോയ ദിനങ്ങളില്‍
എന്നോ തേടിയണഞ്ഞ
സന്തോഷസന്താപങ്ങളില്‍
ലാഭനഷ്ടതുലാസ്സുകളില്‍
കൂട്ടുകൂടി വേര്‍പിരിഞ്ഞ
പ്രണയസൌഹൃദങ്ങളില്‍
ഇഴചേര്‍ത്ത് തുന്നിയോരു
വര്‍ണ്ണാഭയാര്‍ന്ന നിന്‍
ഉടയാട വലിച്ചെറിയുമ്പോള്‍

ഹേ!! ഡിസംബര്‍
അറിയുന്നുവോ നീ..

ക്ഷണിക ഭ്രമങ്ങളില്‍
ഉന്മത്തരായ നരാധമന്മാര്‍
തകര്‍ത്തെറിഞ്ഞൊരു
പാവമാം പെണ്ണിന്റെ 

നോവും ദീനരോദനവും
കനിവൂറും നന്മനസ്സുകളില്‍
അലയടിച്ചുയരും ആധിയും 
പ്രതിഷേധ പ്രകമ്പനവും..


5 comments:

സൗഗന്ധികം said...

അലയടിച്ചുയരട്ടെ പ്രതിഷേധം.....

ശുഭാശംസകൾ....

ajith said...

ഡിസംബറിന്റെ നഷ്ടം

മനോജ് ഹരിഗീതപുരം said...

ക്രൂരനായ ഡിസംബർ

drpmalankot said...


ഡിസംബറിനെ ശരിക്കും വരച്ചു കാട്ടി!
ഭാവുകങ്ങള്‍.
http://drpmalankot0.blogspot.com

Aneesh Puthuvalil (അനീഷ്‌ പുതുവലില്‍) ) said...

ഡിസംബര്‍ നീയും ???!!!!!!

ശരികളിലെ ശരി തേടുമ്പോള്‍ ...

  ഒരിക്കലും അകലരുത് എന്നു  കരുതി നാം ചങ്ക് പറിച്ചു കൊടുത്ത്  എത്ര  ചേര്‍ത്തു പിടിച്ചാലും അവന്‍ / അവള്‍  നിസ്സാരകാരണങ്ങള്‍ കണ്ടെത്തി നമ്മില്‍...