Monday, December 31, 2012

ഇന്നിന്റെ താളുകള്‍ മറിയുമ്പോള്‍......

ആഹ്ലാദാരവങ്ങളോടെ വരവേറ്റ വര്‍ഷത്തെ
ആദരവോടെ ഓര്‍മ്മകള്‍ക്കുള്ളില്‍
കബറടക്കുന്നതിന്റെ നിമിഷങ്ങള്‍
പടിവാതിലില്‍ എത്തി നില്‍ക്കയാണ്...

എത്ര വേഗമാണ് ഒരാണ്ടു നല്‍കിയ
സ്വപ്നങ്ങളുടെയും മോഹഭംഗങ്ങളുടെയും
വിലക്കയറ്റത്തിന്റെയും പീഢനപരമ്പരകളുടെയും
സുനാമി തിരകളെ സുമനസ്സുകള്‍
ഓര്‍മ്മകള്‍ക്കുള്ളില്‍ ഉപേക്ഷിച്ചകന്ന്
പുത്തന്‍ പ്രത്യാശകളുടെ ആഹ്ലദത്തേരിലേറുന്നത്..

സ്വപ്നങ്ങളുടെയും വേദനകളുടെയും
കരിന്തിരി നീറി പുകയുന്നുണ്ട് ഇപ്പോഴും ചില താളുകളില്‍...
വേദനയുടെ കറുപ്പും അനുരാഗത്തിന്റെ ചുവപ്പും
കലര്‍ന്ന അക്കങ്ങളിലൂടെ
നീ വര്‍ഷവും ഗ്രീഷ്മവും ഹേമന്തവും
ശരത്കാലവും സമ്മാനിച്ച് നടന്നകലുമ്പോള്‍
എപ്പോഴൊക്കെയോ വിധിയുടെ പടവുകളില്‍
നീ തടവിലാക്കിയ കിനാക്കളെ തച്ചുടച്ചതിന്റെ
ചില്ലുകള്‍ പാദങ്ങളില്‍ മുള്ളു കൊണ്ട നീറ്റല്‍ പോലെ
മനസ്സില്‍ പുകയുന്നുണ്ട്...

അതുകൊണ്ടു തന്നെ,
നീ പുതിയ താളുകളില്‍
പുതിയ രൂപത്തില്‍ കടന്നു വരുമ്പോള്‍
വീണ്ടും പ്രതീക്ഷയുടെ ഒരു ചെരാതു പോലും
മനസ്സില്‍ കൊളുത്തി വയ്ക്കാന്‍ എനിക്ക് കഴിയുന്നില്ല...
നീ നല്‍കുന്ന പുലരികളില്‍
സന്തോഷത്തിന്റെ ഒരു ചെറുസുഖവും
കിനാക്കളുടെ നോവും നുണയാന്‍ ഞാന്‍ ഒരുക്കമാണ്...
ഒരു മഴപ്പാറ്റ പോലെ നിന്നില്‍ ഓര്‍മ്മയാകുവാനും....

5 comments:

  1. പ്രത്യാശയുടെ ആഹ്ളാദത്തേരില്‍.....

    ReplyDelete
  2. എല്ലാ നന്മകളും നേരുന്നു....

    ReplyDelete
  3. നല്ല വാക്കുകള്‍

    ആശംസകള്‍

    ReplyDelete
  4. നന്നായിരിക്കുന്നു..............

    ReplyDelete