Tuesday, January 7, 2014

സായന്തന കാറ്റ് .

മുറിയാകെ 
അലങ്കോലമായിരിക്കുന്നു..
എത്ര തവണ വിലക്കിയിട്ടും ,
ആരോ ചുമരുകളില്‍ 

അവ്യക്ത ചിത്രങ്ങള്‍ കോറിയിടുകയാണ്
തെളിയാതെ വരച്ചും 

പകുതി വരയില്‍ നിര്ത്തിയും
ചില നിമിഷങ്ങളുടെ വരകള്‍ 

മാറാല പോലെ 
കെട്ട് പിണഞ്ഞു കിടക്കുകയാണ്
ഓര്മ്മകളുടെ താഴിട്ടു പൂട്ടിയ 

ചിത്രപൂട്ടുകള്‍ കുത്തി തുറന്ന് 
മൌനങള്‍  പകച്ച കണ്ണുമായി 
നാല് ചുമരുകള്‍ക്കുള്ളില്‍ ഓടി നടക്കയാണ്..
പാതി ചാരിയ വാതില്‍ പടിമേല്‍ 

കാത്തിരിക്കുന്നു സായന്തന കാറ്റ് .

No comments:

Post a Comment