Tuesday, March 27, 2012

അസ്വസ്ഥതകളുടെ നിഴല്‍പ്പാടുകള്‍.......


ഓര്‍മ്മ, 
ചിതലരിച്ചു തുടങ്ങിയ 
ഒരു പുസ്തകം!

പുറന്താളില്‍

നിറപ്പകിട്ടേകുന്ന
മൗന നിമിഷങ്ങള്‍ !

അകത്താളുകളില്‍

നിറയെ പൊള്ളുന്ന 
ജീവിത സമസ്യകള്‍ !!

ഓര്‍മ്മ, 

അസ്വസ്ഥതകളുടെ 
നിഴല്‍പ്പാടിനൊരു ചെപ്പ് !
  

ചിമിഴില്‍  ഇന്നും,
നഷ്ടസ്വപ്നങ്ങളുടെ 

ജ്വലിക്കുന്ന നാളങ്ങള്‍!

ഓര്‍മ്മ,

നിറം മങ്ങിയ ഒരു ചിത്രം!
വിധി വരച്ചിട്ട
പറക്കാനാവാത്ത 
നൊമ്പരക്കിളികള്‍ !!


ഓര്‍മ്മ ,
നെരിപ്പോടിനുള്ളിലെ 
ധൂമം ചുരുള്‍ നിവര്‍ത്തുന്ന
മാഞ്ഞു പോയ കാലം !!


ഓര്‍മ്മ ,
വര്‍ഷമേഘമായി മാറി
ഇടിനാദമുതിര്‍ക്കാനാവാതെ

തൊണ്ടയില്‍ കുരുങ്ങി
പോയ നേര്‍ത്ത നിലവിളി !!





23 comments:

ഗോപകുമാര്‍.പി.ബി ! said...

ഓര്‍മ്മ, അത് ചെപ്പാകുമ്പോഴും , ചിത്രമാവുമ്പോഴും , പുസ്തകമാവുമ്പോഴും ഉള്ളടക്കം വേദനാകരമാവുന്നു. തോരാതെ പെയ്യുമ്പോഴും നിശ്ശബ്ദയാകാനുള്ള ശ്രമം എഴുത്തുകാരിയുടേതാണ്!

nanmandan said...

ഓര്‍മ്മ,
ചിതലരിച്ചു തുടങ്ങിയ
ഒരു പുസ്തകം!

പുറന്താളുകള്‍ക്ക്
നിറപ്പകിട്ടേകുന്നത്
മൗന നിമിഷങ്ങള്‍ !

അകത്താളുകളില്‍
നിറയെ പൊള്ളുന്ന
ജീവിത സമസ്യകള്‍ !!

ഓര്‍മ്മ,
അസ്വസ്ഥതകളുടെ
നിഴല്‍പ്പാടുകള്‍ക്കായൊരു ചെപ്പ് !

ചിമിഴിനുള്ളില്‍ ഇന്നും,
നഷ്ടസ്വപ്നങ്ങളുടെ
ജ്വലിക്കുന്ന നാളങ്ങള്‍!

ഓര്‍മ്മ,
നിറം മങ്ങിയ
ഒരു ചിത്രം!

വിധി വരച്ചിട്ടത്
പറക്കാനാവാത്ത
നൊമ്പരക്കിളികള്‍ !!

ഓര്‍മ്മ ,
വര്‍ഷമേഘമായി മാറി
ഇടിനാദമുതിര്‍ക്കാനാവാതെ

തൊണ്ടയില്‍ കുരുങ്ങി
പോയ നേര്‍ത്ത നിലവിളി

അനില്‍ ഇളംതെന്നല്‍ said...

ഓര്‍മ്മ,
നിറം മങ്ങിയ
ഒരു ചിത്രം!

വിധി വരച്ചിട്ടത്
പറക്കാനാവാത്ത
നൊമ്പരക്കിളികള്‍ !!

നന്നായിരിക്കുന്നു ടീച്ചര്‍...

കൊച്ചുമുതലാളി said...

ചില ഓര്‍മ്മകള്‍ ശാപമാകാറുണ്ട്!
നന്നായിട്ടുണ്ട്..

raj said...

ഓര്‍മ്മ,
നിറം മങ്ങിയ
ഒരു ചിത്രം!
നന്നായിട്ടുണ്ട്.....

Thooval.. said...

ഓര്‍മ്മ ,
വര്‍ഷമേഘമായി മാറി
ഇടിനാദമുതിര്‍ക്കാനാവാതെ
തൊണ്ടയില്‍ കുരുങ്ങി
പോയ നേര്‍ത്ത നിലവിളി !!
valare nalloru kavitha .

Unknown said...

nice bloging check my blog 'cheathas4you-safalyam.blogspot.com' and cheathas4you-soumyam.blogspot.com'

രഘുനാഥന്‍ said...

ഓര്‍മയില്‍ നില്‍ക്കുന്ന വരികള്‍...

നന്ദിനി said...

ഓര്‍മ്മ...‍

ചുള്ളിക്കാട് പറഞ്ഞതുപോലെ ..

"എങ്കിലോര്‍മ്മിക്കുക അന്ധ സമുദ്രങ്ങള്‍ നീന്തി നീന്തി തളര്ന്നെത്തുമെന്നോര്‍മ്മയെ .".



വിഷാദ൦ തന്നെ ...എങ്കിലും ..

ഓര്‍ക്കാന് കൊതിക്കുന്ന കുഞ്ഞു നക്ഷത്രങ്ങള്‍ ‍ ..

ഓര്‍മ്മകളില്‍ ഇടം നേടട്ടെ ..

ആശംസകള്‍

Anonymous said...

nannayittundu ishttapettu

nurungukal said...

ഓര്‍മ്മയുടെ ചിതലിന്
സ്ഥായിയായ
ഒരു വികാരമുണ്ട്‌ കവീ.

നേരംതെറ്റി വിരുന്നുവന്ന
പഥികസ്പന്ദനങ്ങളിലാണ്
ചിതലെന്നും ജീവനൊടുക്കുക.

മറക്കാതിരിയ്ക്കണം
നീരുചോര്‍ന്ന
രാവിന്‍മിഴികളെ.

കരുതിവെയ്ക്കണം
കനലുറങ്ങുന്ന
ഭൂതങ്ങളെ.

കാത്തിരിയ്ക്കണം
പൊന്‍ തുടിപ്പുമായുണരുന്ന
അരുണോദയങ്ങളെ..!

ആശംസകള്‍..

Anonymous said...

ഓര്‍മ്മ,
അസ്വസ്ഥതകളുടെ
നിഴല്‍പ്പാടുകള്‍ക്കായൊരു ചെപ്പ് !

ആറങ്ങോട്ടുകര മുഹമ്മദ്‌ said...

ഓര്‍മ്മകള്‍ക്ക് അര്‍ത്ഥഗാംഭീര്യം പകരുന്ന വിത്യസ്തമായ ഉപമകള്‍ മനോഹരം

deiradubai said...

Minuss Teacheree..
Ormakalkku ethra kruthyamayi upamichirikkunnu..
Ormakal palappozhum vedanakalum..
Vallpozhum Santhoshavum ekunnu..!
Nerippodinullil Dhoomam..
Churul nivarthunna..
Manju poya kalam..
Ee varikal sathyam..!
Ishtayii..
Shubha Rathri Teacheree..!
Tc..!

vijin manjeri said...

ഓര്‍മ്മ ,
നെരിപ്പോടിനുള്ളിലെ
ധൂമം ചുരുള്‍ നിവര്‍ത്തുന്ന
മാഞ്ഞു പോയ കാലം !!നൈസ് .....................

LasithaShabu said...

അസ്വസ്തതയും മൌനദു:ഖങ്ങളും ഉണർത്താത്ത ഓർമ്മകളെക്കുറിച്ചും ഒരു കവിത പോരട്ടെ.... :)
ടീച്ചൂസിനു ആശംസകൾ

Arun Kumar Pillai said...

:)

yesodharan said...

ഓര്‍മ്മ ,
വര്‍ഷമേഘമായി മാറി
ഇടിനാദമുതിര്‍ക്കാനാവാതെ
തൊണ്ടയില്‍ കുരുങ്ങി
പോയ നേര്‍ത്ത നിലവിളി !!


മനോഹരം...

Unknown said...

എന്തായിത്? ടീച്ചറി ന്‍റെ പേനയില്‍ കൂടി എന്നും ദു:ഖ ത്തിന്‍റെ യും, സന്താപത്തി ന്‍റെ യും വരികള്‍ മാത്രമേ വരികയുള്ലോ ? സന്തോഷത്തിന്‍റെ മയില്‍ പീലി ഓര്‍മ്മകള്‍ കൂടി ആ പേനയില്‍ കൂടി പിറവി എടുക്കട്ടെ ...

എല്ലാ വിധ ഭാവുകങ്ങളും നേരുന്നു ...

Minu Prem said...
This comment has been removed by the author.
Minu Prem said...

അസ്വസ്ഥതകളുടെ നിഴല്‍പ്പാടുകളീലേക്ക് വിരുന്നെത്തുകയും അഭിപ്രായങ്ങള്‍ പങ്കുവയ്ക്കുകയും ചെയ്ത എന്റെ പ്രിയമിത്രങ്ങള്‍ക്ക് സ്നേഹഭാഷയില്‍ നന്ദി അറിയിയ്ക്കുന്നു......

bkcvenu said...

കവിത നന്നായീ കുറച്ചു കൂടി ഒരു ഒഴുക്കുണ്ടായീരുന്നെങ്കില്‍ ഹൃദ്യം ഈ വരികള്‍ ഭാവുകങ്ങള്‍ തുടരുക

നസീര്‍ said...

കവിതകള്‍ വായിച്ചു, മനോഹരം..

ശരികളിലെ ശരി തേടുമ്പോള്‍ ...

  ഒരിക്കലും അകലരുത് എന്നു  കരുതി നാം ചങ്ക് പറിച്ചു കൊടുത്ത്  എത്ര  ചേര്‍ത്തു പിടിച്ചാലും അവന്‍ / അവള്‍  നിസ്സാരകാരണങ്ങള്‍ കണ്ടെത്തി നമ്മില്‍...