Monday, October 15, 2012

കാവ്യക്കൂട്ടുകള്‍....

 എന്റെ ബാല്യം 
------------------
എന്റെ ഓര്‍മ്മയിലൂടെ 
ഒഴുകി നടക്കുന്നു
പിന്നിട്ട ബാല്യത്തിന്‍ 
കൊതുമ്പുവള്ളം.


ഓര്‍മ്മപ്പെയ്ത്ത്
-----------------

ഓര്‍മ്മ പെയ്ത്തില്‍
ഉയിര്‍ക്കൊള്ളുന്നു
ഒരു ചെറു കണ്ണീര്‍പ്പുഴ


നിഴലിനോട്..
--------------------
മൌനം പതിയിരിയ്ക്കുമീ
വിജനപാതയില്‍
മിഴികോണുകളുടക്കി
നില്‍ക്കുവതാരാണ്
ഇമ ചിമ്മാതെയെന്‍ 
മിഴികള്‍ തിരഞ്ഞിടുമ്പോള്‍
മറയുന്നു പിന്നെയും 
ബാക്കിയാവുന്നു ഞാനും



നീയും ഞാനും...
----------------
  
വക്കു പൊട്ടിയ മനസ്സും
പിഞ്ഞിക്കീറിയ കിനാക്കളും
വഹിച്ച്അറിഞ്ഞു അറിയാതെയും
സുഖമായൊഴുകുന്നു


നാളെകള്‍..
------------------

ഉരുകിത്തിരുന്ന
മെഴുകുതിരികള്‍ പോല്‍
എനിയ്ക്കും നിനക്കും മുന്നില്‍
നാ‍ളെകള്‍ നിരന്നുനില്‍ക്കുന്നു
ഇത്തിരി പ്രകാശം ചുരത്തി
ജീവിച്ചു മരിയ്ക്കുന്ന നാളെകള്‍



 

6 comments:

Asha said...

ഉരുകിത്തിരുന്ന
മെഴുകുതിരികള്‍ പോല്‍
എനിയ്ക്കും നിനക്കും മുന്നില്‍
നാ‍ളെകള്‍ നിരന്നുനില്‍ക്കുന്നു
ഇത്തിരി പ്രകാശം ചുരത്തി
ജീവിച്ചു മരിയ്ക്കുന്ന നാളെകള്‍

niDheEsH kRisHnaN @ ~അമൃതംഗമയ~ said...

നല്ല കൌതുകത്തോടെ വായിച്ചു

Vineeth M said...

കൊള്ളാം....

എനിക്കുമുണ്ടൊരു ബ്ലോഗ്‌... വരുമെന്നും ചങ്ങാതിയാകുമെന്നും പ്രതീക്ഷിക്കുന്നു....
www.vinerahman.blogspot.com

Kalavallabhan said...

ഇമ ചിമ്മാതെയെന്‍
മിഴികള്‍ തിരഞ്ഞിടുമ്പോള്‍
മറയുന്നു പിന്നെയും
ബാക്കിയാവുന്നു ഞാനും

നന്ദിനി said...

നല്ല വരികള്‍

rameshkamyakam said...

നുറുങ്ങുവെട്ടം കൊള്ളാം.

ശരികളിലെ ശരി തേടുമ്പോള്‍ ...

  ഒരിക്കലും അകലരുത് എന്നു  കരുതി നാം ചങ്ക് പറിച്ചു കൊടുത്ത്  എത്ര  ചേര്‍ത്തു പിടിച്ചാലും അവന്‍ / അവള്‍  നിസ്സാരകാരണങ്ങള്‍ കണ്ടെത്തി നമ്മില്‍...