Saturday, March 15, 2014

ഓര്‍മ്മക്കൂട്ട്....

ഈറന്‍ സ്വപ്നങ്ങള്‍ 
മയങ്ങിയ മിഴികളടച്ച് 
വിറകൊണ്ട അധരങ്ങളടച്ച് 
ഞാനെന്‍ പ്രാണനെ 
 വേര്‍പിരിയുമ്പോള്‍...

 എന്റെ ഓര്‍മ്മയുടെ
 ചാറ്റലില്‍ നനഞ്ഞ് 
നീ വന്നിടേണ്ട...
 
മനസ്സിലൊരു വിഷാദരാഗം
എനിക്കായി എഴുതിടേണ്ട..... 

 എന്റെ കോര്‍ത്തുവച്ച 
വിരലുകളിലേക്ക്
 സ്നേഹത്തിന്റെ
 പനിനീര്‍പൂവ് 
പിന്നെ നീ നല്‍കിടേണ്ട... . 

മണ്ണില്‍ മുഖം ചേര്‍ത്ത് 
മഴയും വെയിലും 
മഞ്ഞുമേറ്റ് ഞാനുറങ്ങുമ്പോള്‍..

 നിലാവെനിക്ക് തണലേകും 
പുതിയ പുല്‍നാമ്പുകള്‍ 
എന്നോട് കിന്നാരമോതും
 അപ്പോഴും എന്റെ....

നിഴലുകളെ പിന്തുടരാന്‍
 ഓര്‍മ്മക്കൂട്ടിന്റെ ചെപ്പ്
 പിന്നെ  നീ തിരയരുത് 

 എന്നാലും...എന്നാലും 

സൂര്യചന്ദ്രന്മാരില്ലാത്ത 
ആ ലോകത്തിലും 
നിന്റെ ഓര്‍മ്മക്കൂട്ട്
 എനിക്കൊപ്പമുണ്ടാകും.....









4 comments:

ajith said...

:)

മനു said...

good.

സൗഗന്ധികം said...

മരണത്തിലും പിരിയാതെ ഓർമ്മകൾ..

നല്ല കവിത

ശുഭാശംസകൾ.....

Anu Raj said...

: (

എന്‍റെ പെണ്ണേ......,

പെണ്ണേ , ഇത് ഇരുളാണ് ... നിലാപുതപ്പും ചൂടി ഈ ഇരുൾക്കാട്ടിലൂടെ നിന്റെ കരം കോർത്ത് എനിക്കേറെ ദൂരം സഞ്ചരിക്കേണ്ടതുണ്ട്... പെണ്ണേ , ...