Wednesday, April 2, 2014

നിറനിലാ പോലൊരു കൂട്ടുകാരി....

ഇന്നും ഓര്‍മ്മയിലുണ്ടൊരു കൂട്ടുകാരി
നിറനിലാ പോലൊരു കൂട്ടുകാരി..

കളിവാക്കൊന്നു ഞാന്‍ ചൊല്ലുമ്പോള്‍
കാണാതെയെത്തി മിഴിയിണ പൊത്തുമ്പോള്‍ 
കവിളില്‍ നുണക്കുഴി തെളിയുന്ന കൂട്ടുകാരി

കളിയായി പിണങ്ങുമ്പോള്‍ ഇഷ്ടത്തില്‍
ഇണങ്ങുമ്പോള്‍ കൊഞ്ചുമ്പോള്‍
കടമിഴിയാല്‍ പായാരമോതുന്ന കൂട്ടുകാരി...

ചവര്‍പ്പും കയര്‍പ്പും അറിഞ്ഞിടാതെ
വിരല്‍കോര്‍ത്ത് നടന്നോരാ വഴികളില്‍
തോളുരുമ്മി തണലായ്‌ തീര്‍ന്നൊരു കൂട്ടുകാരി..

അമ്പലപ്രാവുകള്‍ കുറുകും നേരം
ആലിലകള്‍ കഥകള്‍ ചൊല്ലും നേരം
മിഴികളില്‍ നിറദീപമായി തെളിയുന്ന കൂട്ടുകാരി

ഇന്നും ഓര്‍മ്മയിലുണ്ടൊരു കൂട്ടുകാരി
നിറനിലാ പോലൊരു കൂട്ടുകാരി....

2 comments:

Anonymous said...

നിറനിലാ പോര , നിറനിലാവ് എന്നുതന്നെ വേണം.

ajith said...

നല്ല കൂട്ടുകാരി!!

ശരികളിലെ ശരി തേടുമ്പോള്‍ ...

  ഒരിക്കലും അകലരുത് എന്നു  കരുതി നാം ചങ്ക് പറിച്ചു കൊടുത്ത്  എത്ര  ചേര്‍ത്തു പിടിച്ചാലും അവന്‍ / അവള്‍  നിസ്സാരകാരണങ്ങള്‍ കണ്ടെത്തി നമ്മില്‍...