മൌനം...
നിനയാത്ത നേരത്ത് അനുവാദമില്ലാതെ
മനം മുറിഞ്ഞ് നിറയുന്ന ഓര്‍മ്മകള്‍
നഷ്ടം ....
പിണങ്ങി വീണ കരിയിലകള്‍ക്കൊപ്പം
മണ്ണടിഞ്ഞു പോയ കുറുമ്പുകള്‍
പൂത്തു നിന്ന കാലം ..
ഇഷ്ടം ...
ഒറ്റ ചുംബനത്താല്‍
ഭൂമിയെ ചുട്ടുപൊള്ളിക്കുന്ന
സൂര്യന്‍റെ വെയില്‍ നിഴലുകള്‍ ..
വാക്ക് ....
പിറുപിറുക്കുന്ന ചിന്തകളുടെ
ചോദ്യങ്ങള്‍ തേടുന്ന ഉത്തരങ്ങള്‍ ..
സ്വപ്നം ...
പകലിന്‍റെ ഒഴുക്കിലേക്ക്
ചിറകറ്റു വീണ പക്ഷിയുടെ
മനസ്സ് തേടുന്ന നീലാകാശം ...
ഞാന്‍ ...
സമയത്തിന്‍റെ തെളിയാത്ത ഭാഷയില്‍
എഴുതി ചേര്‍ത്ത വര്‍ത്തമാനത്തിന്‍റെ
കണക്കു പുസ്തകം ...
ഞാനും നീയും ....
ഒറ്റപ്പെട്ടവന്‍റെ പുഞ്ചിരി പോലെ
ഉള്ളുരുകി വീഴുമ്പോഴും
ചുറ്റും ഇത്തിരി പ്രകാശം വിതറി
കാലത്തിന്‍റെ മറവിയിലേക്ക് നടക്കുന്നവര്‍ ...
1 comment:
എല്ലാ നിർവചനങ്ങളും സുന്ദരമായി.
Post a Comment