Sunday, January 18, 2015

കേരളം ഓടുന്നു

കേരളം ഓടുന്നു
കേള്‍ക്കാനേറെ സുഖം
എവിടേക്ക് ....
എന്തിനായി......

മകളെ ലാളിക്കാനാവാത്ത
അമ്മയെ ആദരിക്കാനാവാത്ത
സഹോദരിയെ സംരക്ഷിക്കാനാവാത്ത
കാമഭ്രാന്തന്മാരെ കൊന്നൊടുക്കാത്ത
അഴിമതിക്കാരെ അഴിയിലാക്കാത്ത
കേരളം ഓടുന്നു പോലും.....
എവിടേക്ക് ....
എന്തിനായി......

മലിനജലമൊഴുകുന്ന പാതയിലൂടെ
ദുര്‍ഗന്ധം വമിക്കുന്ന കാറ്റേറ്റ്
മാലിന്യക്കൂമ്പാരങ്ങള്‍ കണ്ടു കണ്ട്
മരിച്ചു കിടക്കുന്ന മരങ്ങള്‍ക്കരികിലൂടെ
തെരുവ് നായകള്‍ക്കിടയിലൂടെ
വിശപ്പിന്‍റെ വിളികള്‍ മുഴങ്ങുന്ന
കുടിലൊച്ചകള്‍ കാതോര്‍ക്കാതെ
കുണ്ടും കുഴിയും ചവിട്ടി കടന്ന്
കേരളം ഓടുന്നു പോലും ....
എവിടേക്ക് ....
എന്തിനായി...







1 comment:

  1. ഓടുന്നവർക്കും ഓടിയ്ക്കുന്നവർക്കും അറിയാത്ത ഒരു കാര്യം.

    ReplyDelete