Tuesday, January 6, 2015

ഒരു മിന്നാമിന്നി ചിത്രം

മായാത്ത ചിത്രങ്ങള്‍ക്കിനി വെള്ള പൂശണം
തെളിയാത്ത പാതകള്‍ക്ക് ഉള്‍ക്കണ്ണിനാല്‍ കാഴ്ചയും
മുഖത്ത് വിരിയുന്ന പുഞ്ചിരിയെ
വിരിയാതെ കൊഴിയുന്ന പൂക്കളായും
നിദ്രയില്‍ പൂക്കുന്ന കിനാക്കളെ
ഇലയനക്കത്തില്‍ ഉണരുന്ന നിഴലുകളായും
ഇനി ദൂരത്ത്‌ ഉപേക്ഷിക്കണം ...
ഓര്‍മ്മവട്ടങ്ങളില്‍ പുകഞ്ഞ് ഒടുങ്ങുന്ന
കിനാവുകളുടെ ചാമ്പലുകളില്‍
നിറം ചേര്‍ത്ത് ഒരു ചിത്രം വരയണം
ഇത്തിരി കൈവെട്ടവുമായി
ഇരുളിന്‍റെ മാറത്ത് പറ്റിച്ചേര്‍ന്നു
പാറി പാറി പറന്നു പോകുന്ന
ഒരു മിന്നാമിന്നി ചിത്രം ....

1 comment: