Tuesday, February 19, 2013

മിന്നാമിന്നിയായി പറന്നുയരും...

ശ്വാസനിശ്വാസങ്ങളില്‍ 
മരുന്നിന്റെ ഗന്ധം ഉറങ്ങുന്ന ഇടനാഴിയില്‍...
ജീവനില്‍ ശേഷിക്കുന്ന താളത്തിനു 

കണ്ണീരിന്റെ നിഴലനക്കം...
വെറുതെ കാതോര്‍ക്കുമ്പോള്‍ നിശ്ശബ്ദമായ

നിലവിളികള്‍ കേള്‍ക്കുന്നുണ്ടോ...
സ്നേഹനൂലു കൊണ്ടു വരിഞ്ഞു കെട്ടിയിരിക്കുന്ന
ബന്ധങ്ങളെയും ബന്ധനങ്ങളെയും യാഥാര്‍ത്ഥ്യത്തിന്റെ 

മിഴിനീരു കൊണ്ട് ഇനി പൊട്ടിച്ചെറിയാം..
ശിലയില്‍ ഒളിഞ്ഞിരിക്കുന്ന അദൃശ്യശക്തിയോട് 

ഒന്നു പറയാനുണ്ട്..
ആരവങ്ങള്‍ താണ്ടവമാടുന്ന നെടുമ്പാതയില്‍ നിന്ന്
മൌനത്തിന്റെ ഊടു വഴിയിലേക്ക് വലിച്ചിഴയ്ക്കപ്പെടുമ്പോള്‍
വിധിയുടെ കനല്‍ വഴിയില്‍ കൈപിടിച്ചു നടത്തി
പൊള്ളിക്കാനിനിയീ പാദങ്ങള്‍ വിട്ടു തരില്ല..
ബാക്കിവച്ച എല്ലാ കെട്ടുപ്പാടുകളില്‍ നിന്നും
വിധിയെ തോല്പിച്ച മിന്നാമിന്നിയായി പറന്നുയരും...
ഒന്നുമറിയാതെ വിടരുന്ന പനിനീര്‍പ്പൂവില്‍
നാളെ വീണ്ടും അല്പായുസ്സുള്ള ഹിമകണമായി പറ്റി ചേരാന്‍....




3 comments:

ajith said...

അല്പായുസ്സുള്ള ഹിമകണങ്ങള്‍

സൗഗന്ധികം said...

ബാക്കിവച്ച എല്ലാ കെട്ടുപ്പാടുകളില്‍ നിന്നും
വിധിയെ തോല്പിച്ച മിന്നാമിന്നിയായി പറന്നുയരും...
ഒന്നുമറിയാതെ വിടരുന്ന പനിനീര്‍പ്പൂവില്‍
നാളെ വീണ്ടും അല്പായുസ്സുള്ള ഹിമകണമായി പറ്റി ചേരാന്‍....

നല്ല വരികള്‍

ശുഭാശംസകള്‍ .....

raj said...

good

ശരികളിലെ ശരി തേടുമ്പോള്‍ ...

  ഒരിക്കലും അകലരുത് എന്നു  കരുതി നാം ചങ്ക് പറിച്ചു കൊടുത്ത്  എത്ര  ചേര്‍ത്തു പിടിച്ചാലും അവന്‍ / അവള്‍  നിസ്സാരകാരണങ്ങള്‍ കണ്ടെത്തി നമ്മില്‍...