Saturday, October 11, 2014

മിന്നുന്ന നക്ഷത്രങ്ങള്‍

രാപ്പകലിന്‍റെ
ഓളപ്പരപ്പുകളില്‍
കാണാക്കര തേടുന്ന
പൊങ്ങുത്തടികള്‍
വറ്റുന്ന പുഴയുടെ
നേരറിയാതെ
നീന്തി തുടിക്കുന്ന
പരല്‍ മീനുകള്‍
ഒരു നുലിഴയുടെ
പിടിവള്ളിയില്‍
ഉയരം തേടുന്ന
കടലാസ്സു പട്ടങ്ങള്‍
ശൂന്യതയുടെ
കിനാക്കാഴ്ചകളില്‍
കൊഴിഞ്ഞു വീഴുന്ന
കരിയിലകള്‍
ഒരു നിശ്വാസത്തിന്‍റെ
ഉഷ്ണക്കാറ്റില്‍
നുരഞ്ഞു പതഞ്ഞു
പെയ്തൊഴിയുന്ന
വര്‍ഷമേഘങ്ങള്‍
കാലം തേടുന്ന
മരണ കാലങ്ങളിലെ
നരച്ച ഓര്‍മ്മകളിലെന്നും
മിന്നുന്ന നക്ഷത്രങ്ങള്‍

3 comments:

ajith said...

മിന്നും താരം

Salim kulukkallur said...

ഒന്നിനുമില്ലൊരു നിശ്ചയവും ...

കുഞ്ഞൂസ് (Kunjuss) said...

നക്ഷത്രങ്ങൾ മിന്നിക്കൊണ്ടേയിരിക്കട്ടെ ...

ശരികളിലെ ശരി തേടുമ്പോള്‍ ...

  ഒരിക്കലും അകലരുത് എന്നു  കരുതി നാം ചങ്ക് പറിച്ചു കൊടുത്ത്  എത്ര  ചേര്‍ത്തു പിടിച്ചാലും അവന്‍ / അവള്‍  നിസ്സാരകാരണങ്ങള്‍ കണ്ടെത്തി നമ്മില്‍...