Tuesday, October 7, 2014

ഇനിയെന്‍റെ വാക്കുകളെ .....



ഇനി എന്‍റെ വാക്കുകളെ 
ആത്മാവിനാല്‍ നീ 
ചുംബിക്കുക ... 
.
നീയവയെ,
നിറയുന്ന ഓര്‍മ്മകളുടെ
തെളിച്ചത്തില്‍ 
വിവസ്ത്രമാക്കുക
.
മങ്ങാത്ത 
ഇഷ്ടങ്ങളുടെ നേരിനാല്‍ 
ഗാഢമായി പുണര്‍ന്ന്‍
പ്രണയ പരിഭവങ്ങളുടെ
നിശ്വാസങ്ങളാല്‍ പൊള്ളിക്കുക

കടുത്ത മറവിയുടെ 
നഖക്ഷതങ്ങളാല്‍ 
മുറിവേല്‍പ്പിക്കുക

പിന്നെ പിന്നെ ,
ഹൃദയത്തിന്‍റെ 
മൂന്നാം അറയിലേക്ക്
കടുത്ത ഏകാന്തതയുടെ 
വാതില്‍ തള്ളിത്തുറന്ന്‍
ശലഭച്ചിറകിനെക്കാള്‍ 
മിനുമിനുത്ത 
എന്‍റെ വാക്കുകളെ 
നീ ഒതുക്കി വയ്ക്കുക ....


ഇനി എന്‍റെ വാക്കുകളെ 
ആത്മാവിനാല്‍ നീ 
ചുംബിക്കുക ... 
.



No comments:

ശരികളിലെ ശരി തേടുമ്പോള്‍ ...

  ഒരിക്കലും അകലരുത് എന്നു  കരുതി നാം ചങ്ക് പറിച്ചു കൊടുത്ത്  എത്ര  ചേര്‍ത്തു പിടിച്ചാലും അവന്‍ / അവള്‍  നിസ്സാരകാരണങ്ങള്‍ കണ്ടെത്തി നമ്മില്‍...