Sunday, October 5, 2014

കാവല്‍ക്കാരി

കനവുകള്‍
വിരുന്നു പോയി 
മടങ്ങി വരാത്ത
കൊട്ടാരത്തിന്‍റെ
കാവല്‍ക്കാരിയാണ് നീ


നിരാസങ്ങളുടെ
തുരുത്തുകളില്‍ നിന്നും
വിഷാദ ഗാനം
കേള്‍ക്കാന്‍
നീ ഉണര്‍ന്നിരിക്കുക

ശിരസ്സറ്റു പോയ
ദിനങ്ങളെ
കൈകളില്‍ ചേര്‍ത്ത്
നോവിന്‍റെ
ഉപ്പുത്തീരം തേടി
നീ യാത്രയാകാതിരിക്കുക

നിഴലിന്‍റെ
മറുകരയില്‍
മറഞ്ഞിരിക്കുന്ന
വിധിയുടെ
പാതാള ചുഴികളിലേക്ക്
ശിരോ വസ്ത്രം നീക്കി
നീ നടന്നു കൊള്ളുക

നീ കാവല്‍ക്കാരിയാണ്!!

കനവുകള്‍
വിരുന്നു പോയി
മടങ്ങി വരാത്ത
കൊട്ടാരത്തിന്‍റെ
കാവല്‍ക്കാരി !!

1 comment:

ajith said...

ആരാണാ കാവല്‍ക്കാരി!

എന്‍റെ പെണ്ണേ......,

പെണ്ണേ , ഇത് ഇരുളാണ് ... നിലാപുതപ്പും ചൂടി ഈ ഇരുൾക്കാട്ടിലൂടെ നിന്റെ കരം കോർത്ത് എനിക്കേറെ ദൂരം സഞ്ചരിക്കേണ്ടതുണ്ട്... പെണ്ണേ , ...